友人傳來一個網頁得知街霸將會發佈第四集. 即刻登入睇下條tralier 先, 條片做得好正, 加入左大量既水墨效果元素, 畫面效果做得好好, 萬分期待。
街霸不經不覺已經來到第4代了. 係年間出過好多唔同既版本. 有ex版， capcom x marvel，少年版，16人版, tubro 版等等. 但我自已就最仲意玩少年版同第三代街霸. 係在下大約小六時經常去機舖打機, 果陣時仲係玩緊第一代街霸, 仲記得一開始係咁出 "昇" (昇龍拳)已經好快搞掂對手. 試過一開始0.3秒已經搞掂. 出個 "三昇" 打中拳皇就咁搞掂左．當時第一代既街霸, 出絕招打中人扣既能量特別多. 果陣時既機舖仲成間好似雞竇咁一天花都係紅紅綠綠既光管.
直至街霸第二代既出現, 機舖出現人群. 每部機上面既一蚊銀, 一字排開十個八跟機等作閒事. 眼見某部機有空位即上前挑機. 亦有種不明文既規定. 要 "讓round" 我覺得係Ｄ人唔夠人打先叫人 “讓round" 。除非事前講明兩round 收皮。果陣時差唔多日日放學都落 " 明利" 同 "彩龍" 打機. 果陣時用春麗及本田算係高手XD. 仲記得果個年代既人用唔同既方法打 "免費機"
1.火機燒入銀處
2.熄機開機又熄機開機
3.軟掃把毛"了"入面個入銀處
4.自制開關器插入入銀處
以上既方法得唔得我就唔知, 只係聽朋友口中及眼見得知.
果陣時機舖內仲出現左一Ｄ改版既街霸, 都唔係咪官方出定Ｄ人改左入面既設定. 有街霸改版. 有"東方不敗版" 之後仲有葵花寶典版“
呢兩個版本既街霸其實都係差唔多, 玩法都係超誇張. 角色可以係空中出波出絕招. 而出波既數量可以無限咁出, 如果阿龍同阿ken一齊係咁出, 個畫面可以好震憾. 而角色既行動亦係土人尸超快速。而軍佬既 "無形撻" 同定型都係果陣時出現。
由於街霸既興起, 造就左街霸漫畫化，當時好多出版社都出左以街霸題材既漫畫. 什麼快打旋風，街頭霸王等, 而許景深所畫街頭霸王算係最多人買及質素最出色的一本. 係畫面及故事都係水準之作. 不過係街霸尾期故事開始拖漫，沉悶及主筆易手後. 呢本漫畫係若干年後亦畫上句號。
總括來講街霸帶比好多人不同既回憶。
trailer
沒有留言:
發佈留言